حمدان يا
حمدان .......... أمك توصيك
قصيدة كتبتها عجوز بعد أن أودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئة برحمه وعطف الأم
الله يخلي لنا أمهاتنا يارب
ويارب تكون هال قصيدة درس للكثير من الأبناء
ودرس لزوجات الأبناء إلي يحرضون الأولاد على عقوق أمهاتهم
والدنيا دوارة
أترككم مع ألقصيده
وين أنت يا
حمدان أمك تناديـك .. ورآك مـا تسمـع شكايـا وندابا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم أشيلك وأداريك . . وألاعبك دايـم وتمشـي ورابا
ترقد على صوتي وحضني بدفيك .. ما غيرك احدٍ ساكن فـي حشايـا
واليا مرضت اسهر بقربك وإداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خسارة بعتني اليـوم ويشفيك .. وأخلصت للزوجة وأنا لي شقاي
أنا ادري إنها قاسيـه مـا تخليـك .. قالت عجـوزك مـا أبيها معايـا
خليتني وسط المصحة وأنا ارجيك .. هذا جزا المعروف وهـذا جزايـا
يـا ليتنـي خدامـة بيـن أياديك .. من شان أشوفك كل يوم برضا يا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان أمك توصيـك .. أخاف من تلحق تشـوف الوصايـا
أوصيت دكتور المصحة بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا
الإهداءات
العرض الشجري
