( اصعب سؤال ) اللي جوابه للأسف مثله ( سؤال ) !!

الحب الدفين · 08-23-2009, 03:13 AM

( اصعب سؤال ) اللي جوابه للأسف مثله ( سؤال ) !!

السلام عليكم و رحمة الله و بركاته

اليوم جبت لكم قصيده قرأتها في أحد المنتديات وأعجبت بها جداً

القصيده للشاعر :

محمد جار الله السهلي ..

اتمنى أن تحوز على رضاكم ..

و أن ترتقي لأذواقكم ..

...........................

( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )
كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!
لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال
اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال
ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال
لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال
انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال
لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال
وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال
لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال
وانا قبل لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال
واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )
ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال
يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال
للحب واحساس القصيد ان عانق الليل وسريت ..

ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))
واقرى القصايد في غيابك كلبوها بيـــت ... بيـــت ..

بتدرى ان ( اصعب سؤال ) اللي يجي رده ( سؤال )
لا قلتلي ( وش ذكرك ؟ ) ثم قلتلك ( متى نسيت ؟ )

.
.
.

وسلامتكم

مما راق لي

تحياتي لكم اصعب سؤال اللي جوابه للأسف

المصدر: منتديات احبك موت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه للموضوع: ( اصعب سؤال ) اللي جوابه للأسف مثله ( سؤال ) !!
الموضوع	كاتب الموضوع	المنتدى	مشاركات	آخر مشاركة
اصعب سؤال!!	غزل	القصائد والاشعار المنقوله	10	11-26-2008 06:28 PM
اصعب سؤال ؟؟؟؟؟؟؟؟	دلوعة زعيمها	النقـاش الجـاد	7	11-24-2008 11:37 PM
تدري وش اصعب سؤال	عندليب الشرقيه	القصائد والاشعار المنقوله	8	10-09-2008 01:17 AM
ألطف 22 سؤال من قسيس لمسلم و سؤال واحد من المسلم للقسيس	لوليا	الـمـنـتـدى الاســلامــي	9	06-28-2008 06:47 AM
اصعب سؤال في من سيربح المليون ؟	أمير القلوب	الموآضيع المكررهـ	3	05-13-2008 02:50 PM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات

القصائد والاشعار المنقوله